Polisi ac Ymchwil

Data a gwybodaeth i gefnogi dysgu a gwelliant: ar gyfer y rhai sy’n gweithio yn y system ysgolion

Mae Llywodraeth Cymru eisiau eich safbwyntiau ar eu dull o ddefnyddio data a gwybodaeth i gefnogi dysgu a gwelliant. Maent hefyd yn ceisio safbwyntiau ar y fframwaith arfaethedig ‘Fframwaith Dangosyddion yr Hawl i Ddysgu 14 i 16’.

Cyflwynwch eich sylwadau erbyn 14 Mawrth 2025.

Safonau Cenedlaethol Arfaethedig ar gyfer Ysgolion sy’n Hybu Iechyd a Lles yng Nghymru

Cyflwynwyd y Wobr Ansawdd Genedlaethol (NQA) yng Nghymru yn 2009 gan Lywodraeth Cymru, a chaiff ei rheoli a’i chyflwyno gan Iechyd Cyhoeddus Cymru. Dyma’r gydnabyddiaeth uchaf y gallai ysgol ei chael drwy’r Rhwydwaith, gyda 15% o ysgolion Cymru yn derbyn y wobr. Roedd y Wobr Ansawdd Genedlaethol yn cydnabod ysgolion a ddangosodd ragoriaeth mewn iechyd a lles, gan gyrraedd y safonau uchaf ar draws themâu amrywiol yn ymwneud ag iechyd ac arferion ysgol gyfan.

Ers 2009, mae Dangosyddion ar gyfer Gwobr Ansawdd Genedlaethol Cynlluniau Ysgolion Iach – Rhwydwaith Cymru (meini prawf NQA) Llywodraeth Cymru wedi darparu meini prawf arferion gorau i ysgolion ar ymwreiddio dull ysgol gyfan ar draws saith maes pwnc. O ystyried y cyd-destun newidiol, dywedodd ysgolion er eu bod yn gwerthfawrogi’r fframwaith a ddarperir gan yr NQA, bod angen adolygiad i’w gysoni’n well â’r cwricwlwm a’r Fframwaith Statudol.2 Dylai’r adolygiad hwn sicrhau hefyd bod y fframwaith cenedlaethol yn helpu pob ysgol yng Nghymru i sefydlu a datblygu ei dull ysgol gyfan yn gynaliadwy yn y ffordd sy’n cefnogi ei dysgwyr orau. Mewn ymateb, mae Iechyd Cyhoeddus Cymru wedi datblygu set arfaethedig o Safonau Cenedlaethol ar gyfer Ysgolion Hybu Iechyd a Lles yng Nghymru fel dewis amgen i feini prawf yr NQA. Cynlluniwyd y Safonau arfaethedig er mwyn ei gwneud hi’n haws i ysgolion ganolbwyntio ar egwyddorion craidd dull ysgol gyfan sy’n cefnogi pob math o ganlyniadau iechyd a lles.

Defnyddiwch y ffurflen yma i ymateb erbyn 11 Ebrill 2025.

Sylwadau

Ychwanegu sylw