Cyflwyniad i Lywodraethu Ysgolion yng Nghymru — taith y llywodraethwr
Gynhyrchwyd mewn partneriaeth â Governors for Schools a Phrifysgol Caerdydd, lluniwyd y modiwl hwn yn benodol ar gyfer pobl sydd â diddordeb mewn bod yn llywodraethwr a phobl sydd wedi dechrau yn ddiweddar ar eu taith fel llywodraethwr ysgol mewn ysgol a gynhelir yng Nghymru.
Mae corff llywodraethu ardderchog yn hanfodol i lwyddiant ysgol – pam?
mae llywodraethwyr yn gyfrifol am benodi’r pennaeth a’r dirprwy bennaeth
mae penderfyniadau llywodraethwyr yn effeithio’n uniongyrchol ar addysg a llesiant disgyblion
gall llywodraethwyr wneud gwahaniaeth gwirioneddol i wella safonau drwy’r ysgol gyfan
Mae llywodraethwr yn rywun sydd:
yn cael eu penodi neu eu hethol am dymor o bedair blynedd;
yn ymrwymo diddordeb, brwdfrydedd ac amser i fod yn llywodraethwr;
yn gallu mynychu o leiaf un cyfarfod o’r corff llywodraethu yn ystod pob tymor ysgol ac efallai y gofynnir iddynt fynychu cyfarfodydd pwyllgor (mae’r rhan fwyaf o’r cyfarfodydd fel arfer yn digwydd yn hwyr yn y prynhawn neu yn ystod y nosweithiau);
yn cyfarwyddo eu hunain â gwaith yr ysgol, gan gynnwys ymweld â’r ysgol, ac yn cadw’i fyny gyda chynnydd a gwaith yr ysgol;
gweithio fel tîm, penderfynu ar bethau ar y cyd a rhannu cyfrifoldebau am y penderfyniadau a wnânt;
canolbwyntio eu cyfraniad i lywodraethu penderfyniadau’r corff ar beth fydd er y budd gorau i ddisgyblion yr ysgol, gan helpu pob disgybl i ddatblygu eu potensial llawn;
yn cefnogi’r ysgol ond hefyd yn herio ac yn gofyn cwestiynau am sut mae’r ysgol yn gweithio a’r safonau mae’n ei gyflawni, o gofio cyfrifoldeb y corff llywodraethu i hyrwyddo safonau uchel o gyflawniad addysgol;
yn barod i ddysgu ac i fynychu cyrsiau hyfforddi (gan gynnwys anwythiad a hyfforddiant data) a drefnir gan yr ALl, sy’n rhad ac am ddim, ac a fydd yn gwella sgiliau ac yn cyfrannu at ddatblygiad personol.
Beth rydym yn gobeithio y byddwch yn ei gael o fod yn llywodraethwr – beth yw’r manteision?
chwarae rhan real iawn o ran sicrhau bod y disgyblion yn yr ysgol yn cael yr addysg orau bosibl;
boddhad o godi safonau;
sicrhau gwerth am arian ar gyfer yr ysgol;
rhoi rhywbeth yn ôl i’r gymuned;
ymdeimlad o bwrpas a chyflawniad;
hyfforddiant a chymorth er mwyn helpu i chi gyflawni eich dyletswyddau a’ch cyfrifoldebau;
sgiliau newydd a allai fod yn ddefnyddiol mewn mannau eraill – gwaith tîm, cynllunio ariannol a strategol, recriwtio a sgiliau cyfweld – ac mai hynny dim ond i ddechrau!
Dyma Jenny o Ysgol Ioan y Bedyddiwr VA, Sir y Fflint
ar beth mae’n olygu iddi hi i fod yn llywodraethwr yng Nghymru.
Gwyliwch y clip fideo hwn gan rai o staff Prifysgol Caerdydd sy’n gwasanaethu fel llywodraethwyr ysgol
Gwasanaeth Recriwtio Llywodraethwyr Am Ddim
Mae Governors for Schools yn elusen sy’n dod o hyd i, yn lleoli ac yn cefnogi gwirfoddolwyr medrus fel llywodraethwyr ar gyrff llywodraethu ysgolion. Rydym yn gweithio gydag amrywiaeth o bartneriaid, gan gynnwys prifysgolion, safleoedd gwirfoddoli a busnesau lleol i ddod o hyd i wirfoddolwyr sy’n chwilio am gyfleoedd i ddefnyddio eu sgiliau i gefnogi addysg yn y gymuned leol.
Ar gyfer pwy mae’r gwasanaeth?
Mae Governors for Schools yn cefnogi pob math o ysgolion a ariennir gan y wladwriaeth, colegau addysg uwch, unedau cyfeirio disgyblion (PRU) a meithrinfeydd a ariennir gan y wladwriaeth i ddod o hyd i lywodraethwyr yn rhad ac am ddim. Os oes gennych swydd wag ar eich corff llywodraethu, gallwch gofrestru eich swydd wag gyda ni am ddim. Byddwn yn eich cysylltu â gwirfoddolwyr lleol addas sy’n edrych i ddod yn llywodraethwyr.
Bydd y rheolwr ardal leol yn dod o hyd i wirfoddolwyr yn ardal leol eich ysgol sy’n cyfateb orau i’ch gofynion.
Os oes gennych chi a’r gwirfoddolwr ddiddordeb mewn symud ymlaen, byddwn yn gwneud cyflwyniad trwy e-bost. Byddwn yn rhoi amlinelliad i chi o set sgiliau’r gwirfoddolwr, yn ogystal â gwybodaeth ynghylch pam eu bod yn dymuno bod yn llywodraethwr.
Yna gallwch drefnu cyfarfod gyda’r gwirfoddolwr yn yr ysgol neu ar-lein i siarad mwy am y rôl.
Os yw’r gwirfoddolwr yn addas ar gyfer eich corff llywodraethu, byddwch yn dilyn eich proses benodi arferol.
Amrywiaeth ar gyrff llywodraethu
Mae corff llywodraethu amrywiol yn gorff llywodraethu cryfach, sy’n adlewyrchu cymunedau ysgolion a’r wlad ehangach. Darllenwch ymhellach am sut rydym yn gweithio i wella amrywiaeth ar gyrff llywodraethu.
Am unrhyw gwestiynau, neu i ddarganfod mwy, cysylltwch â [email protected].
Ac yn olaf…
Cryfder y corff llywodraethu yw ei allu i ddenu a dibynnu ar aelodau o amrywiaeth eang o gefndiroedd, rhannu dyletswyddau ymhlith ei aelodau, a’r gallu i wneud penderfyniadau fel grŵp.
Nid oes un llywodraethwr sy’n gyfrifol am y corff llywodraethu, nid hyd yn oed cadeirydd y llywodraethwyr.
Mae’r llywodraethwyr i gyd yn rhannu’r cyfrifoldeb o wneud y corff llywodraethu yn effeithiol ac effeithlon drwy osod cylch gwaith y corff a’i bwyllgorau, bod yn wybodus a mynychu cyfarfodydd.
Cymryd y cam nesaf
Os oes gennych ddiddordeb mewn bod yn llywodraethwr ysgol, neu i ddarganfod rhagor:
Cysylltwch gyda Gwasanaethau Llywodraethwyr Cymru am ragor o wybodaeth drwy [email protected]
Siaradwch gyda rhywun sydd yn llywodraethwr
Cysylltwch gyda phennaeth neu gadeirydd y llywodraethwyr yn eich ysgol leol
